اسلام آباد (این این آئی)پاکستان ڈیموکریٹک موومنٹ کے دھرنے کی کال پر کارکنوں کی ریڈزون میں آمد کے باعث پولیس کی بھاری نفری تعینات کر دی گئی ۔ذرائع کے مطابق حکومت اور جے یو آئی (ف) میں مذاکرات ناکام ہوئے جس کے بعد مولانا فضل الرحمان کو حکومت کو واضح کیا کہ احتجاج سپریم کورٹ کیسامنے ہی ہوگا ۔پولیس ذرائع کے مطابق دھرنے کا اسٹیج سپریم کورٹ سے تھوڑا پیچھے لگوائیں گے، الیکشن کمیشن یا وزیراعظم ہاؤس کے سامنے اسٹیج لگ جائے تو اعتراض نہیں، سپریم کورٹ کی انٹری یا بالکل سامنے اسٹیج نہ لگایا جائے یہی حکمت عملی ہے۔دوسری جانب وفاقی دارالحکومت میں تمام صورتحال معمول کے مطابق رواں دواں رہی جبکہ سپریم کورٹ کے باہر ایف سی اور پولیس کی بھاری نفری تعینات رہی۔
