پی ڈی ایم سے پوچھتا ہوں یہ کون سی جمہوریت ہے؟ ،اس طرح کی سیاست سے مارشل لاء بہتر ہے، اسد قیصر

اسلام آباد (این این آئی)پاکستان تحریک انصاف کے رہنما سابق اسپیکر قومی اسمبلی اسد قیصر نے کہا ہے کہ پی ڈی ایم سے پوچھتا ہوں یہ کون سی جمہوریت ہے؟ ،اس طرح کی سیاست سے مارشل لاء بہتر ہے۔میڈیا سے گفتگو کرتے ہوئے انہوں نے سوال اٹھایا کہ اسپیکر کو گلگت بلتستان اسمبلی میں جانے سے روک کر کیا پیغام دیا گیا ہے؟۔پی ٹی آئی رہنما و سابق اسپیکر قومی اسمبلی اسد قیصر نے کہاکہ ملک میں آئین ہے ہی نہیں، اس ملک میں کون سا قانون ہے؟۔انہوں نے کہا کہ اس ملک کے ساتھ کھلواڑ کیا جا رہا ہے، دنیا میں ہمارا تماشہ بنا ہوا ہے، جمہوریت کا تماشہ بنایا ہوا ہے۔