اسلام آباد (این این آئی)نگران وفاقی وزیر اطلاعات، نشریات و پارلیمانی امور مرتضیٰ سولنگی نے مسیحی برادری کو کرسمس کی مبارکباد پیش کرتے ہوئے کہا ہے کہ پاکستان کا آئین اقلیتوں کے حقوق کے تحفظ کا ضامن ہے، قائداعظم محمد علی جناح نے 11 اگست 1947ء کو آئین ساز اسمبلی سے خطاب میں واضح کر دیا تھا کہ پاکستان کی ریاست میں اقلیتوں کے حقوق کو مکمل تحفظ حاصل ہوگا۔ پیر کو کرسمس کے موقع پر اپنے پیغام میں وفاقی وزیر اطلاعات نے کہا کہ پاکستان میں مسیحی برادری سمیت تمام اقلیتوں کو مکمل مذہبی آزادی حاصل ہے۔ انہوں نے کہا کہ پاکستان کی ترقی و خوشحالی میں مسیحی برادری کا اہم کردار ہے، مسیحی برادری کی کرسمس کی خوشیوں میں برابر کے شریک ہیں۔ انہوں نے کہا کہ ہم سب پاکستانی ہیں، اپنے ملک پاکستان کی ترقی ا و رخوشحالی کے لئے متحد ہیں۔
