اسلام آباد (این این آئی) وزیر اعظم شہباز شریف نے چیئرمین ارسا کی تعیناتی کے معاملے پر سندھ کے خدشات کا نوٹس لے لیا۔وزیر آبپاشی سندھ جام خان شورو کے مطابق چیئرمین ارسا کی تعیناتی کے معاملے پر وزیر اعظم شہباز شریف اور وزیر اعلیٰ سندھ مراد علی شاہ میں رابطہ ہوا ہے۔وزیر آبپاشی کے مطابق وزیر اعظم نے چیئرمین ارسا کی تعیناتی کا نوٹیفکیشن واپس لینے کی یقین دہانی کرادی ہے۔ وزیر اعظم نے کہا کہ ظفر محمود کی بطور چیئرمین ارسا کی تعیناتی کا نوٹیفکیشن واپس لیا جائے گا۔وزیر آبپاشی نے کہا کہ وزیر اعلیٰ نے مؤقف اپنایا کہ سی سی آئی میں طے ہوچکاچیئرمین کی تعیناتی روٹیشن بنیاد پر صوبوں کے ممبر سے ہوگی۔وزیر اعظم نے وزیر اعلیٰ سندھ اور محکمہ آبپاشی سندھ کے مؤقف کو مان لیا ہے۔
