بیجنگ (این این آئی)چین کی وزارت حیاتیات و ماحولیات نے حیاتیاتی و ماحولیاتی نگرانی کے جدید نظام کے قیام کو تیز کرنیکی تجویزجاری کی۔جمعہ کے روز چینی میڈ یا گرو پ کے مطا بق اگلے پانچ سالوں میں، چین حیاتیات و ماحولیات کی نگرانی کی ڈیجیٹل اور انٹیلجنٹ تبدیلی کو تیز کرے گا۔ 2035 تک،حیاتیاتی و ماحولیاتی نگرانی کا جدید نظام بنیادی طور پر قائم ہو جائے گا۔ تجویز کے مطابق چین مصنوعی ذہانت جیسی نئی ٹیکنالوجیز کی مدد سے ماحولیاتی معیار کی نگرانی کے نیٹ ورک کو اسمارٹ بنائے گا۔ مستقبل میں،حیاتیاتی و ماحولیاتی نگرانی کے اعداد و شمار کو جمع کرنے، منتقل کرنے،نیز تجزیہ اور اطلاق تک کا پورا عمل اسمارٹ کیا جائے گا۔ماحولیاتی نگرانی کی تمام سرگرمیوں کا احاطہ کرنے والا ایک مکمل کوالٹی مینجمنٹ سسٹم قائم کیا جائے گا۔سیٹلائٹ ریموٹ سینسنگ، ایریل ریموٹ سینسنگ، اور گراونڈ بیسڈ ریموٹ سینسنگ سمیت دیگر ٹیکنالوجیز کو قومی ماحولیاتی نگرانی کے نیٹ ورک میں استعمال کیا جائے گا۔
