اسلام آباد (این این آئی)پاکستان مسلم لیگ (ن) کی ترجمان مریم اورنگزیب نے کہاہے کہ عمران صاحب آپ سے ملک نہیں چل سکتا، استعفیٰ دیں اور گھر جائیں ۔ اپنے بیان میں مریم اور نگزیب نے کہاکہ عمران صاحب تین سال میں ملک کا حال کیا سے کیا کر دیا۔ انہوںنے کہاکہ ڈالر کی قیمت173، مہنگائی کی قیامت اور معیشت کی تباہی ،عمران صاحب آپ سے ملک نہیں چل سکتا، استعفیٰ دیں اور گھر جائیں ،اس ملک کی بنیادیں نہ ہلائیں، استعفیٰ دیں۔ انہوںنے کہاکہ آئی ایم کے حوالے عوام اور ملک کو کر دیا،ملکی ترقی کی شرح 5.8 فیصد سے منفی میں پہنچا دی، شرم کریں۔ انہوںنے کہاکہ بجلی کی قیمت11 روپے سے 24 روپے یونٹ کر دی، ،گیس کی قیمت 600 سے 1400 پر پہنچا دی ۔ انہوںنے کہاکہ عمران صاحب آپ نے آٹا 35 سے 80، چینی 53 سے 120 پر پہنچا دی ،نواز شریف کے پانچ سال عوام کو چینی 55 رہی۔ انہوںنے کہاکہ عمران صاحب آپ کے دور میں گھی 142 اور خوردنی تیل 340 ہوگیا،پٹرول 70 سے 138، ڈیزل 75 سے 135 پر پہنچا دیا،دوائی کی قیمت میں 300 فیصد ظالمانہ اضافہ کیا ۔ انہوںنے کہاکہ چائے کی قیمت 10 سے 25 کردی، نان کی قیمت 8 سے 25 ہوگئی، یہ کیا غریبوں کا احساس؟، تین سال میں عمران صاحب نے جھوٹ پہ جھوٹ بولا، قوم کو دھوکے پر دھوکہ دیا۔ انہوںنے کہاکہ ملک اور عوام کے ساتھ کیا کر دیا ہے عمران صاحب،تین سال میں عوام کو لوٹا اور صرف اور صرف جھوٹ بولا۔ انہوںنے کہاکہ ملک کی فارن پالیسی کا جنازہ نکال دیا، ملک کی خارجہ اور معاشی پالیسی کا جنازہ نکال دیا،ملک کے قومی اداروں کو متنازعہ اور اْن کا تماشہ بنا دیا۔ انہوںنے کہاکہ تین سال میں ملک کو تاریخی مقروض کر دیا ہے،تین سال میں روزگار کا جنازہ نکال دیا ہے۔
مقبول خبریں
کینیا،ہیلی کاپٹرحادثے میں آرمی چیف سمیت 10افراد ہلاک
نیروبی (این این آئی)کینیا میں ہیلی کاپٹرحادثے کے نتیجے میں آرمی چیف سمیت 10افراد ہلاک ہوگئے۔غیرملکی خبررساں کے مطابق اس حادثے میں آرمی چیف...
سوڈان، ہیضے اور ڈینگی بخار سے 391 افراد ہلاک
خرطوم(این این آئی)سوڈان نے کہا ہے کہ ملک میں ہیضے اور ڈینگی بخار سے 391 افراد ہلاک ہوگئے ۔چینی خبررساں ادارے کے مطابق سوڈان...
اسرائیلی حملے پر مزید فیصلہ کن اور مناسب جواب دیا جائے گا، ایران
تہران(این این آئی)ایران نے خبردار کیا ہے کہ اسرائیل نے ایرانی مفادات کے خلاف مزید فوجی کارروائی کی تو فیصلہ کن اور مناسب جواب...
فلسطینی صدر نے امریکی ویٹو کی مذمت کردی
مقبوضہ بیت المقدس(این این آئی)فلسطینی صدر محمود عباس نے امریکا کی جانب سے فلسطین کی اقوام متحدہ کی رکنیت سے متعلق درخواست ویٹو...
بھارت میں عام انتخابات کا آغازہوگیا
نئی دہلی(این این آئی)بھارت میں عام انتخابات کا آغاز ہوگیا، یہ انتخابات 7 مراحل میں یکم جون تک ہوں گے، نتائج کا اعلان چار...