کوہاٹ(این این آئی) ہنگو میں ایک مکان کے کمرے میں گیس بھر جانے کی وجہ سے دم گھٹنے کے باعث ایک ہی خاندان کے چھ افراد زندگی سے ہاتھ دھو بیٹھے۔ جاں بحق ہونے والوں میں گھر کا سربراہ، اہلیہ، ایک جواں سال بیٹی اور تین کمسن بچے شامل ہیں۔ ریسکیو 1122 ہنگو کے ڈسٹرکٹ ایمرجنسی آفیسر جواد احمد خلیل کے مطابق یہ دلخراش واقعہ ہنگو شہر کے گلشن کالونی مسجد ابو مطر میں واقع نادر خان نامی گھر میں پیش آیا جہاں مکان کے ایک کمرے میں گیس بھر جانے کی وجہ سے اہل خانہ کے تمام افراد دم گھٹنے کے باعث جاں بحق ہوئے۔ خدشہ ظاہر کیا جارہا ہے کہ ممکنہ طور پر رات کو گیس کی مبینہ لوڈشیڈنگ کے باعث کمرے میں ہیٹر وغیرہ بند نہیں کیا گیا اور علی الصبح گیس بحالی کی وجہ سے کمرے میں گیس بھر جانے سے سوئے ہوئے اہل خانہ کے تمام افراد دم گھٹنے کے نتیجے میں زندگی ہار گئے۔ منگل کی صبح اطلاع ملنے پر امدادی ادارے ریسکیو 1122 نے اپنی ٹیمیں جائے وقوعہ پر پہنچا کر امدادی کاروائیاں شروع کیں اور جاں بحق تمام افراد کی لاشیں ڈسٹرکٹ ہیڈکوارٹر ہسپتال ہنگو منتقل کردیں۔ جاں بحق افراد میں نادر خان، بیوی، 27 سالہ بیٹی اور تین کمسن بچے شامل ہیں۔ اس المناک واقعہ کی خبر پورے علاقے میں جنگل کی آگ کی طرح پھیل گئی جس کے باعث پورے علاقہ کا ماحول سوگوار ہوگیا جبکہ بڑی تعداد میں شہری ہسپتال اور متاثرہ خاندان کے گھر پہنچ گئے۔
مقبول خبریں
آزاد کشمیر پر بھارتی رہنماؤں کے اشتعال انگیز دعوؤں میں تشویشناک اضافہ ، پاکستان...
اسلام آباد (این این آئی) ترجمان دفتر خارجہ نے کہا ہے کہ آزاد کشمیر پر بھارتی رہنماؤں کے اشتعال انگیز دعوؤں میں تشویشناک اضافہ...
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے...
اسلام آباد (این این آئی)وزیر داخلہ محسن نقوی نے اسلام آباد پولیس خدمت مرکز 24 گھنٹے کھلا رکھنے کا اعلان کردیا۔میڈیا سے گفتگو...
الیکشن کمیشن نے آزاد اراکین قومی اسمبلی کی سنی اتحاد کونسل میں شمولیت تسلیم...
اسلام آباد(این این آئی)الیکشن کمیشن نے پاکستان تحریک انصاف کے آزاد اراکین قومی اسمبلی کی سنی اتحاد کونسل میں شمولیت کو تسلیم کرلیا۔گزشتہ روز...
پنجاب میں رہنماں کے گھر چھاپے مارے جارہے ہیں، پولیس گردی ختم ہونی چاہیے،...
اسلام آباد (این این آئی)قائد حزب اختلاف عمر ایوب نے کہا ہے کہ رات سے ہمارے رہنماں کے گھر چھاپے مارے جارہے ہیں، ہم...
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں...
اسلام آباد (این این آئی)وزیر اعظم شہباز شریف ورلڈ اکنامک فورم کے اجلاس میں شرکت کیلئے 28 اپریل کو سعودی عرب روانہ ہوں گے۔ترجمان...