تحریک عدم اعتماد لانا اپوزیشن کا جمہوری اور آئینی حق ہے ،سعید غنی

0
556

اسلام آباد (این این آئی)وزیر اطلاعات سندھ سعید غنی نے کہا ہے کہ تحریک عدم اعتماد لانا اپوزیشن کا جمہوری اور آئینی حق ہے ،وزیراعظم اور وزرا کے بیانات آئینی عمل میں رکاوٹ ڈالنے کی کو شش ہے،عمران در بدر جا رہا ہے، مایوس نظر آ رہا ہے،عمران خان چند دن بعد سابق وزیر اعظم ہو جائیگا۔ میڈیا سے گفتگو کرتے ہوئے سعید غنی نے کہاکہ پی ٹی آئی کی نالائق حکومت نے جو صورتحال بنا دی ہے وہ مناسب نہیں ہے،آئین و قانون واضح ہے۔ انہوںنے کہاکہ حکومت کی طرف سے دھمکیاں دی جا رہی ہیں،تحریک عدم اعتماد لانا اپوزیشن کا ایک جمہوری اور آئینی حق ہے ۔ انہوںنے کہاکہ وزیراعظم اور وزرا کے بیانات آئینی عمل میں رکاوٹ ڈالنے کی کو شش ہے،بیانات سے پتہ چلتاہے حکومت کے پاس 172 ممبران نہیں ہیں ،اگر ان کے پاس نمبرز پورے ہوتے تو یہ دیر نہ لگاتے۔ انہوںنے کہاکہ عمران در بدر جا رہا ہے، مایوس نظر آ رہا ہے،یہ چند دن بعد سابق وزیر اعظم ہو جائے گا۔ انہوںنے کہاکہ ان کے اپنے ممبران کا اس پر اعتماد نہیں ہے،عمران دھاڑیں مار مار کے رو رہا ہے۔