واشنگٹن (این این آئی)وائٹ ہائوس کے سابق قومی سلامتی کے مشیر جان بولٹن نے انکشاف کیا ہے کہ ایف بی آئی نے انہیں 2020 کے اوائل میں مجھے قتل کرنے کی کوشش کی اطلاع دی تھی۔عرب ٹی وی سے بات چیت میں بولٹن نے کہا کہ ایران کی جانب سے کیے گئے قاتلانہ حملے میں سابق اور موجودہ امریکی حکام کو نشانہ بنایا گیا۔انہوں نے مزید کہا کہ ایرانی حکومت کے دہشت گردانہ طریقوں کے ثبوت موجود ہیں۔انہوں نے اس بات پر زور دیا کہ امریکی انتظامیہ کی ایران کے ساتھ جوہری معاہدے کی طرف واپسی غلط ہو گی۔بولٹن کا کہنا تھا کہ تہران کے ساتھ جوہری معاہدہ مکمل طور پر ناکام ہو گا۔انہوں نے اس بات کی وضاحت کرتے ہوئے کہ کانگریس کے ارکان کی اکثریت نے ایران کے ساتھ جوہری معاہدے کی طرف واپسی سے انکار کرتے ہوئے کہا ہے کہ تہران کے ساتھ 2015 میں طے پانے والا جوہری معاہدہ بہت برا ہے۔جان بولٹن نے مزید کہا کہ ایران اور دہشت گردی ایک ہی سکے کے دو رخ ہیں۔ انہوں نے مزید کہا کہ بائیڈن انتظامیہ نے ایران کو روکنے کی خواہش ظاہر نہیں کی اور یہ کہ امریکا کے سخت ردعمل کی عدم موجودگی تہران کو اپنی دہشت گردانہ کارروائیوں پر قائم رہنے کا موقع فراہم کرتی ہے۔انہوں نے زور دے کر کہا کہ ایران خطے کو کنٹرول کرنے کے لیے اپنا اشتعال انگیز رویہ جاری رکھے ہوئے ہے۔سابق امریکی عہدیدار نے کہا کہ ہمیں اور ہمارے شراکت داروں کو جو خطرات درپیش ہیں وہ تہران کی طرف سے آتے ہیں۔ ایران کی دھمکیاں بدستور موجود ہیں اور اس کے رویے کو بے نقاب کیا جانا چاہیے۔
مقبول خبریں
ہمیں ملیریا کی روک تھام بارے میں آگہی اور باہمی تعاون سے کام کرنے...
اسلام آباد(این این آئی)وزیراعظم شہباز شریف نے کہا ہے کہ ہمیں صحت کی دیکھ بھال کے نظام کو مضبوط بنانے، معیاری تشخیص اور علاج...
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار...
اسلام آباد(این این آئی)سپیکر قومی اسمبلی سردار ایاز صادق نے موسم بہار کی شجر کاری مہم کی مناسبت سے پارلیمنٹ ہائوس کے سبزہ...
نواز شریف کی چین میں صحابی رسول ۖ حضرت سعد بن ابی وقاص رضی...
بیجنگ(این این آئی)چین کے پانچ روزہ دورے پر موجود سابق وزیراعظم اور پاکستان مسلم لیگ (ن)کے قائد نواز شریف نے صحابی رسول ۖ حضرت...
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں...
ایبٹ آباد(این این آئی)وزیراعظم شہباز شریف نے کہاہے کہ صوبائی حکومتوں کے ساتھ مل کر اسمگلنگ کا خاتمہ ضروری ہے،اسمگلنگ کیخلاف کسی بھی کارروائی...
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد...
ایبٹ آباد(این این آئی)وزیر اعظم شہباز شریف ایبٹ آباد میں شہید کسٹمز انسپکٹر سید حسنین علی ترمذی کی رہائش پر گئے اور شہید کے...