گوجر خان(این این آئی) ضلع ساہیوال کے بدقسمت خاندان کا گوجر خان شہر جی ٹی روڈ پر ٹریفک حادثہ، ایک ہی خاندان کے چار افراد جاں بحق، مرنے والوں میں باپ سمیت اس کی دوکمسن بیٹیاں بھی شامل،جبکہ بیوی سمیت معصوم کم سن بیٹا اور بیٹی دیگر دو رشتہ دار باپ بیٹی شدید زخمی جانبحق اور زخمیوں کو فوری طور پر تحصیل ہیڈ کوارٹر ہسپتال پہنچایا گیا جہاں سے ابتدائی طبی امداد کے بعد راولپنڈی ہسپتال ریفر کر دیا گیا رمضان المبارک کے بابرکت رحمتوں اور خوشیوں والے مہینہ میں اس المناک حادثہ نے پورے شہر کو افسردہ کر دیاجس میں مرد و خواتین سمیت کم سن بچے جانبحق اور شدید زخمی ہوئے ٹریفک کا یہ افسوسناک حادثہ شب بارہ بجے کے قریب جی ٹی روڈ پر جناح ہوٹل کے سامنے پیش آیا جب سوزوکی ایف ایکس کار کو عقب سے آنے والی تیز رفتار پراڈو نے ٹکر ماری جس کے نتیجے میں کار میں سوار چار افراد موقع پر جاں بحق ہو گئے جبکہ پانچ شدید زخمی ہوئے جاں بحق ہونے والوں میں نسرین زوجہ کامران عمر تیس سال ،ماہ نور ولد محمد نذیر عمر دس سال حسبہ نور ولد محمد نذیر عمر سات سال اور نذیر احمد والد محمد بشیر عمر انتالیس سال شامل ہیں جبکہ علی رضا ولد محمد نذیر عمر تین سال، کامران ولد سعید احمد عمر پینتیس سال، ایمان دعا ولد محمد نذیر عمر چھ سال اور شاہین زوجہ نذیر احمد عمر تیس سال کو ریسکیو 1122 کے عملے نے فوری طور پر سول ہسپتال منتقل کیا جہاں سے ابتدائی طبی امداد کے بعد شدید زخمیوں کو راولپنڈی ہسپتال ریفر کر دیا گیا حادثہ کا مرتکب پراڈو کا ڈرائیور موقع سے فرار ہو گیا۔
