اسلام آباد (این این آئی)پیمرا کے ٹی چینلز کو لکھے خط پر نائب صدر پیپلز پارٹی سینیٹر شیری رحمان نے کہا ہے کہ ”ایڈوائیس”کے نام پر ٹی وی چینلز کو ڈکٹیشن حکومت کی آمرانہ سوچ کی عکاسی کرتا ہے۔ اپنے بیان میں انہوںنے کہاکہ پیمرا حکومت کی سنسر شپ کی مشین بن چکا ہے، وفاقی کابینہ کی خبریں نا چلانا اب کیا اب عوامی مفاد میں شامل ہوگا؟ ۔ انہوںنے کہاکہ پیمرا وضاحت کرے کہ کیا وہ آزاد ادارہ ہے یا تحریک انصاف کا میڈیا سیل ہے؟ ،پیمرا میڈیا کی آزادی اور حقوق سلب کرنے میں حکومت کا سہوتکار نہ بنے، وفاقی کابینہ عوام، پارلیمان اور میڈیا کے سامنے جوابدہ ہے۔ شیری رحمن نے کہاکہ وفاقی کابینہ کی کاروائی اور فیصلے رپورٹ کرنا میڈیا کا حق ہے، تباہی سرکار صرف اپنے حق میں خبریں چلاوانا چاہتی ہے۔ انہوںنے کہاکہ پیمرا اپنی ”ایڈوائیس”واپس لے اور معذرت کرے، سینیٹ میں پیمرا کی اس ”ایڈوائیس”کی ضرور وضاحت مانگے گی۔
