اسلام آباد (این این آئی)وفاقی وزیر اطلاعات چوہدری فواد حسین نے کہاہے کہ محنت کش کی ترقی اور حقوق کا تحفظ ہی معاشرے کی اجتماعی ترقی اور عوامی خوشحالی کا ضامن بن سکتا ہے،عمران خان نے بھوکے پیٹ سڑکوں پر سونے والوں کیلئے پناہ گاہیں اور لنگر خانوں کا انتظام کر کے ریاست کا مہمان بنایا،احساس پروگرام اور ہاؤسنگ شعبے کی ترقی کے اقدامات وزیراعظم عمران خان کا مزدوروں سے دلی وابستگی کا پختہ ثبوت ہے۔ اپنے بیان میں وزیر اطلاعات نے کہاکہ یکم مئی محنت کشوں کا دن ہے جو دنیا سے اپنے جائز حقوق مانگتے ہیں۔ چوہدری فواد حسین نے کہاکہ مزدوروں اور محنت کش طبقات انسانی ترقی اور تہذیب و تمدن کے معمار ہیں۔ انہوںنے کہاکہ محنت کش کی ترقی اور اس کے حقوق کا تحفظ ہی معاشرے کی اجتماعی ترقی اور عوامی خوشحالی کا ضامن بن سکتا ہے۔ انہوںنے کہاکہ مزدوروں اور پسے ہوئے طبقات کی زندگی میں تبدیلی لانا وزیراعظم عمران خان کا مشن ہے۔ انہوںنے کہاکہ عمران خان نے بھوکے پیٹ سڑکوں پر سونے والوں کے لیے پناہ گاہیں اور لنگر خانوں کا انتظام کر کے انہیں ریاست کا مہمان بنایا۔ چوہدری فواد حسین نے کہاکہ کرونا وباء کے اس دور میں عمران خان کی فکر کا محور مزدور پیشہ طبقات ہیں۔ انہوںنے کہاکہ صحت اور روزگار دونوں کو اہمیت دیتے ہوئے مزدوروں کے بہتری کے اقدامات اٹھانا ان کی پہلی ترجیح ہے۔ انہوںنے کہاکہ احساس پروگرام اور ہاؤسنگ شعبے کی ترقی کے اقدامات وزیراعظم عمران خان کا مزدوروں سے دلی وابستگی کا پختہ ثبوت ہے۔ چوہدری فواد حسین نے کہاکہ استحصالی نظام سے چھٹکارے اور سماجی انصاف کی فراہمی کی جدوجہد عمران خان کی قیادت میں جاری رہے گی۔
مقبول خبریں
پاکستان کی چینی کاروباری اداروں کو پاکستان میں سرمایہ کاری کی دعوت
چھنگ ڈائو (این این آئی)پاکستان نے چینی کاروباری اداروں کو پاکستان میں سرمایہ کاری کی دعوت دیتے ہوئے کہا ہے کہ ادارہ جاتی ترقی...
مسلم لیگ (ن) انٹرنیشنل افئیرز کے زیر اہتمام کانفرنس، بیرسٹر امجد ملک اور وزیر...
اسلام آباد (این این آئی)وزیر خارجہ اور صدر انٹر نیشنل افیئرز سینیٹر اسحق ڈار نے کہا ہے کہ پاکستان عالمی تنہائی سے نکل رہا...
امریکی سینیٹ میں ٹک ٹاک پر جزوی پابندی کا بل منظور
بیجنگ/واشنگٹن(این این آئی)امریکی سینیٹ نے سوشل میڈیا پلیٹ فارم ٹک ٹاک پر جزوی پابندی کا بل منظور کر لیا۔غیرملکی خبررساں ادارے کیے مطابق سوشل...
روس کے نائب وزیر دفاع رشوت لینے کے شبہ میں گرفتار
ماسکو(این این آئی)روس کے نائب وزیر دفاع تیمور ایوانوف کو رشوت لینے کے شبہ میں گرفتار کرلیا گیا۔غیرملکی خبررساں ادارے کے مطابق روسی وزارت...
امریکی سینیٹ سے یوکرین، اسرائیل، تائیوان کیلئے امدا منظور
واشنگٹن(این این آئی)امریکی سینیٹ نے یوکرین، اسرائیل اور تائیوان کے لیے 95 ارب ڈالرز کا امدادی بل منظور کر لیا۔امریکی میڈیا کے مطابق یوکرین...