اسلام آباد (این این آئی) وفاقی وزیر داخلہ شیخ رشید احمد نے کہاہے کہ مزدور کی عزت نفس کی بحالی اوراجرت کی بروقت ادائیگی ہی اصل نیکی ہے،ہماری حکومت مزدوروں اور محنت کشوں کے حقوق کی جدو جہد کر رہی ہے۔ یوم مزدوراں پر وزیر داخلہ شیخ رشید احمد نے اپنے پیغام میں کہاکہ یوم مزدور پر دنیا بھر کر مزدوروں اور محنت کشوں کو سلام پیش کرتا ہوں۔ شیخ رشید احمدنے کہاکہ یکم مئی ان کی محنت اور عظمت کو خراج تحسین پیش کرنے کا دن ہے۔ انہوںنے کہاکہ مزدور کی عزت نفس کی بحالی اوراجرت کی بروقت ادائیگی ہی اصل نیکی ہے۔ انہوںنے کہاکہ ہماری حکومت مزدوروں اور محنت کشوں کے حقوق کی جدو جہد کر رہی ہے۔ انہوںنے کہاکہ پاکستان کا مزدور اور محنت کش خوش ہے تو ملک خوشحال ہے۔
