اسلام آباد (این این آئی)وفاقی وزیر برائے سائنس اور ٹیکنالوجی سینٹر شبلی فراز نے کہاہے کہ پاکستان کی ترقی مزدوروں اور محنت کشوں کی ترقی سے ہی وآبستہ ہے۔ اپنے پیغام میں سینیٹر شبلی فراز نے کہاکہ مزدورں کے عالمی دن پر دنیا کے تمام محنت کشوں اور مزدوروں کو خراج تحسین پیش کرتے ہیں۔ انہوںنے کہاکہ وزیراعظم عمران خان کی جانب سے کوروناوباکے دوران پسے ہوئے طبقات کے تحفظ کیلئے اٹھائے گئے اقدامات اس بات کاثبوت ہیں کہ ہرشہری کاریاست پربرابرحق ہے۔ سینٹر شبلی فراز نے کہاکہ کوئی بھوکانہ سوئے،لنگرخانے اور پناہگاہیں وزیراعظم کے اس ویژن کے عکاس ہیں۔ انہوںنے کہاکہ پاکستان کی ترقی مزدوروں اور محنت کشوں کی ترقی سے ہی وآبستہ ہے۔
