لاہور( این این آئی) سینئر اداکار گوشی خان نے پنجاب حکومت سے اداکار غفار لہری اور امتیازمغل کی مالی امداد اور سرکاری سطح پر علاج معالجے کی سہولیات فراہم کرنے کی اپیل کر دی ۔ گوشی خان نے کہا کہ غفار لہری گزشتہ کئی سالوں سے مالی بحران کی وجہ سے انتہائی کسمپرسی کی زندگی گزارنے پر مجبور ہے او راس کی بیٹی بھی شدید بیمار ہے ۔ غفار لہری نے چالیس سال تک فن کے ذریعے ملک کی خدمت کی ہے ،حکومت سے اپیل ہے کہ اس کی مالی معاونت کی جائے اور اس کے ساتھ ان کی صاحبزادی کو سرکاری سطح پر علاج معالجے کی سہولیات فراہم کی جائیں۔گوشی خان نے کہا کہ امتیاز مغل نے بھی اپنے فن کے ذریعے ملک کی بڑی خدمت ہے لیکن آج گردوں کے امراض کی وجہ سے کسمپرسی کی حالت میں زندگی گزار رہا ہے ۔ میری وزیراعلیٰ پنجاب ، معاون خصوصی فردوس عاشق اعوان اور وزیر صحت سے اپیل ہے کہ وہ دونوں فنکاروں کو نہ صرف مالی معاونت فراہم کریں بلکہ علاج معالجے کے لئے سرکاری ہسپتالوں میں داخل بھی کرائیں۔
