آئندہ مالی سال کیلئے وزارت موسمیاتی تبدیلیوں کا بجٹ 14 ارب 50 کروڑ روپے سے زیادہ ہے،وزیر اعظم

0
80

اسلام آباد (این این آئی)وزیر اعظم عمران خان نے کہاہے کہ آئندہ مالی سال کیلئے وزارت موسمیاتی تبدیلیوں کا بجٹ 14 ارب 50 کروڑ روپے سے زیادہ ہے۔۔ہفتہ کو اپنے ٹویٹ میں وزیر اعظم عمران خان نے12۔ 2011کے وفاقی وزارت موسمیاتی تبدیلیوں کے بجٹ سے آئندہ مالی سال کے بجٹ کا ٹیبل شیئر کرتے ہوئے کہاکہ آئندہ مالی سال کیلئے وزارت موسمیاتی تبدیلیوں کا بجٹ 14 ارب 50 کروڑ روپے سے زیادہ ہے ،پیپلز پارٹی کے دور میں12۔ 2011میں یہ بجٹ 5 کروڑ تھا۔13۔2012میں یہ بجٹ 13 کروڑ 50 لاکھ روپے تھا۔ انہوںنے کہاکہ مسلم لیگ (ن)کے دور میں پہلے سال14۔2013میں یہ بجٹ 6 کروڑ87 لاکھ روپے،15۔2014 میں یہ بجٹ 2 کروڑ 51 لاکھ،16۔2015 میں 3 کروڑ 97 لاکھ،17۔2016 میں 2 کروڑ 70 لاکھ اور مالی سال18۔2017 میں 81 کروڑ 50 لاکھ روپے اورآخری مالی سال19۔ 2018 میں 80 کروڑ 26 لاکھ روپے مختص کئے گئے۔ پی ٹی آئی کی حکومت کے پہلے مالی سال20۔ 2019 میں 7 ارب 57 کروڑ 90 لاکھ،21۔ 2020 میں 6 ارب اور اب مالی سال22۔ 2021 کے لئے 14 ارب 50 کروڑ روپے مختص کئے گئے ہیں۔