اسلام آباد (این این آئی)پاکستان مسلم لیگ (ن) کی ترجمان مریم اورنگزیب نے کہا ہے کہ قومی سلامتی کمیٹی کی میٹنگ اسپیکر نے بلائی تھی ، شہباز شریف کیسے منع کرتے ، فواد چودھری جھوٹ بول رہے ہیں ۔ اپنے بیان میں انہوںنے کہاکہ شہباز شریف کیسے منع کرتے میٹنگ سپیکر نے بلائی تھی ،شہباز شریف نے کسی کوئی پیغام نہیں بھیجا ۔ انہوںنے کہاکہ فواد چودھری صاحب کے پاس کوئی سرکاری دستاویز ہے جس میں شہباز شریف نے منع کیا ثبوت ہیں ،شہباز شریف یا شہباز شریف کے دفتر کی کوئی سرکاری خط و کتابت ہے تو دکھائیں؟،کیا عمران صاحب کرونا کی نیشنل پارلیمانی میٹنگ سے شہباز شریف کے کہنے پہ چلے گئے تھے ؟ ،قومی اہمیت اور سلامتی کے دیگر معاملات پر عمران صاحب کیا شہباز شریف کے کہنے پر نہیں آئے تھے؟ ۔ انہوںنے کہاکہ نیشنل کمیشن آن دی سٹیٹس آف ویمن کی چیئرپرسن کی تعیناتی کے لئے مشاورت سے بھی شہباز شریف نے عمران صاحب کو منع کیا تھا؟ ،نیشنل کمیشن آن ہیومن رائٹس کی چیئرپرسن کی تعیناتی کے لئے مشاورت سے بھی شہباز شریف نیاس عمران صاحب کو منع کیا تھا؟، الیکشن کمیشن کے ارکان کے تقرر کے لئے مشاورت سے بھی شہباز شریف نے عمران صاحب کو منع کیا تھا؟
