فیصل آباد(این این آئی)وزیر مملکت اطلاعات و نشریات فرخ حبیب نے کہا ہے کہ مریم اور بلاول سیاسی جدوجہد کے بغیر ٹیسٹ ٹیوب سیاستدان بننا چاہتے ہیں،دونوں کشمیر بچاؤ مہم کی آڑ میں ابو کی کرپشن چھپا رہے ہیں،عمران خان نے اقوام متحدہ میں کھڑے ہو کر مودی کے آر ایس ایس نظریے کو بے نقاب کیا، عمران خان کشمیریوں کے سچے وکیل ہیں،کوششوں سے آج مودی پر ہر سمت سے دباؤ بڑھ رہا ہے،پرامن افغانستان پاکستان کے مفاد میں ہے،افغانستان کی صورتحال پر عسکری قیادت نے سیاسی قیادت کو اعتماد میںلیا،عمران خان قوم، پاکستان کے مستبقل اور سالمیت کو سامنے رکھتے ہوئے فیصلے کررہے ہیں ۔چلڈرن ہسپتال کے دورے کے موقع پر میڈیا سے گفتگو کرتے ہوئے وزیر مملکت اطلاعات و نشریات فرخ حبیب نے کہا کہ مریم اور بلاول سیاسی جدوجہد کے بغیر ٹیسٹ ٹیوب سیاستدان بننا چاہتے ہیں۔ انہوں نے کہا کہ دونوں بچے کشمیر بچاؤ مہم کی آڑ میں ابو کی کرپشن چھپا رہے ہیں،مریم، ایون فیلڈ اور بلاول سوئس بینکوں کی ناجائز دولت کا تحفظ کر رہے ہیں۔ انہوں نے کہا کہ نواز شریف سمیت پورا شریف خاندان این آر او کی خاطر بھگوڑا ہے، مریم سرٹیفائیڈڈ جھوٹی ہے،وہ کہتی تھی کہ لندن تو کیا پاکستان میں بھی جائیداد نہیں اور پھر جائیدادایں نکل آتیں ہیں۔انہوں نے کہا کہ (ن )لیگ نے اگر کشمیر بچانا ہوتاتو مودی کیوں ان کے گھر آتا، آموں اور ساڑھیوں کے تحفے کیوں جاتے
