اسلام آباد (این این آئی) چیئر مین سینٹ صادق سنجرانی نے کہا ہے کہ بھارت کے غیر قانونی قبضے کے خاتمے کا دن دور نہیں، مقبوضہ کشمیر کی آزادی تک تحریک آزادی کی حمایت جاری رکھیں گے۔یوم شہدائے کشمیر پر چیئرمین سینیٹ محمد صادق سنجرانی نے اپنے بیان میں انہوںنے کہاکہ شہدائے کشمیرکی لازوال قربانیوں کوخراج عقیدت پیش کرتا ہوں، بھارتی قبضے کے خلاف کشمیریوں کی جدوجہد کو سلام پیش کرتے ہیں، بھارت نے جموں و کشمیر پر غیر قانونی اور ظالمانہ قبضہ کر رکھا ہے،شہدائے13جولائی 1931 آج کی تحریک آزادی کے آباو َاجداد تھے۔ انہوںنے کہاکہ آزادی کی خاطر کشمیری نسل در نسل قربانیاں دے رہے ہیں،کشمیری ہندوتوا حکومت کی ان کی شناخت کے خاتمے کی سازش کے خلاف جدوجہد کر رہے ہیں۔ انہوںنے کہاکہ پاکستان نے ہمیشہ کشمیریوں کی حق خود ارادیت کی حمایت کی ہے،مقبوضہ کشمیر کی آزادی تک تحریک آزادی کی حمایت جاری رکھیں گے۔ انہوںنے کہاکہ بھارت کے غیر قانونی قبضے کے خاتمے کا دن دور نہیں، کشمیر کیشہدا نے حق خودارادیت کی جدوجہدکوتازہ کیا۔ انہوںنے کہاکہ کشمیریوں کی قربانیاں رائیگاں نہیں جائے گی، پاکستان کبھی بھی کشمیریوں کو اکیلا نہیں چھوڑے گا۔
