اسلام آباد (این این آئی)وفاقی وزیر اطلاعات چوہدری فواد حسین نے کہا ہے کہ وزیر اعظم کا دورہ ازبکستان معاشی اور سکیورٹی اعتبار سے بہت اہم ہے ، معاشی اعتبارسے کراچی سے تاشقند تک ٹرین اور ٹرک سروس اس خطے کو ایک لڑی میں پرو دے گی۔ وزیراعظم کی ازبکستان روانگی کے موقع پر اپنے بیان میںوزیراطلاعات نے کہاکہ یہ دورہ معاشی اور سیکیورٹی اعتبار سے بہت اہم ہے۔ انہوںنے کہاکہ افغانستان میں امن کیلئے پاکستان ہر کوشش کررہا ہے۔ چوہدری فواد حسین نے کہاکہ معاشی اعتبارسے کراچی سے تاشقند تک ٹرین اور ٹرک سروس اس خطے کو ایک لڑی میں پرو دے گی۔
