لاہور( این این آئی) صوبائی وزیر جیل خانہ جات فیاض الحسن چوہان نے قانون کی طالبہ کو چھریوں کے 26وار کر کے شدید زخمی کرنے کے جرم میں سزا پانے والے شاہ حسین کوغیر معمولی ریمیشن دے کر رہائی کی خبروں پر وضاحتی بیان جاری کردیا ۔ وزیر جیل خانہ جات فیاض الحسن چوہان نے اپنے ویڈیو بیان میں کہا ہے کہ یہ کہا جا رہا ہے کہ مذکورہ مجرم کو غیر معمولی ریمیشن دے کر رہا کر کیا گیا اس میں کوئی حقیقت نہیں، دنیا بھر کی طرح پاکستان میں بھی مختلف مواقع پر قیدیوں کی سزائوں میں کمی کی جاتی ہے،صدر، وزیراعظم، ہوم سیکرٹری، آئی جی جیل خانہ جات اور سپرنٹنڈنٹ جیل بھی ریمیشن دینے کا اختیار رکھتے ہیں،مجرم شاہ حسین کو مندرجہ بالا ریمیشنز میں سے کوئی بھی ریمیشن نہیں دی گئی،مجرم شاہ حسین کی سزا میں کمی چار تکنیکی بنیادوں پر ہوئی جس میں مجرم کو مختلف مشقتیں کرنے، بی اے کرنے، خون دینے اور اچھے چال چلن کی بنیاد پر ریمیشنز دی گئیں۔ فیاض الحسن چوہان نے کہا کہ ان ریمیشنز کی بنیاد پر مذکورہ مجرم کی سزا میں تقریباً سترہ ماہ کی کمی ہوئی،یہ تمام ریمیشنز آئین پاکستان اور قوانین کے مطابق ہیں۔
مقبول خبریں
کینیا،ہیلی کاپٹرحادثے میں آرمی چیف سمیت 10افراد ہلاک
نیروبی (این این آئی)کینیا میں ہیلی کاپٹرحادثے کے نتیجے میں آرمی چیف سمیت 10افراد ہلاک ہوگئے۔غیرملکی خبررساں کے مطابق اس حادثے میں آرمی چیف...
سوڈان، ہیضے اور ڈینگی بخار سے 391 افراد ہلاک
خرطوم(این این آئی)سوڈان نے کہا ہے کہ ملک میں ہیضے اور ڈینگی بخار سے 391 افراد ہلاک ہوگئے ۔چینی خبررساں ادارے کے مطابق سوڈان...
اسرائیلی حملے پر مزید فیصلہ کن اور مناسب جواب دیا جائے گا، ایران
تہران(این این آئی)ایران نے خبردار کیا ہے کہ اسرائیل نے ایرانی مفادات کے خلاف مزید فوجی کارروائی کی تو فیصلہ کن اور مناسب جواب...
فلسطینی صدر نے امریکی ویٹو کی مذمت کردی
مقبوضہ بیت المقدس(این این آئی)فلسطینی صدر محمود عباس نے امریکا کی جانب سے فلسطین کی اقوام متحدہ کی رکنیت سے متعلق درخواست ویٹو...
بھارت میں عام انتخابات کا آغازہوگیا
نئی دہلی(این این آئی)بھارت میں عام انتخابات کا آغاز ہوگیا، یہ انتخابات 7 مراحل میں یکم جون تک ہوں گے، نتائج کا اعلان چار...