اسلام آباد (این این آئی)ترجمان عوامی نیشنل پارٹی زاہد خان نے کہاہے کہ کمرے کا دروازہ توڑ کر ، چادر اور چار دیواری کا تقدس پامال کرکے کیپٹن ریٹائر ڈمحمد صفدر گرفتاری عمل میں لائی گئی ۔ اپنے بیان میں انہوںنے کہاکہ سندھ پولیس نے ہوٹل میں دھاوا بول کر کیپٹن صفدر کو گرفتار کیا ۔ انہوںنے کہاکہ کمرے کا دروازہ توڑ کر ، چادر اور چار دیواری کا تقدس پامال کرکے گرفتاری عمل میں لائی گئی ۔ انہوںنے کہاکہ اس وقت سندھ میں پیپلز پارٹی کی حکومت ہے ،وزیر اعلی سندھ بتائیں کہ کیپٹن صفدر کی گرفتاری کے لیے ان پر کس کا دبائو تھا۔ انہوںنے کہاکہ مریم صفدر اور کیپٹن صفدر سندھ حکومت کے مہمان تھے،ایسا لگ رہا ہے کہ ریاست کھلی دہشت گردی پر اتر آئی ہے،سندھ کی حکومت ، اپوزیشن جماعت کی حکومت ہے ۔ انہوںنے کہاکہ وزیر اعلی سندھ کو بتانا چاہیے کہ کہ کس کے حکم پر کیپٹن صفدر کی گرفتاری ہوئی ،کیپٹن صفدر نے کوئی جرم نہیں کیا ۔
