پشاور(این این آئی)وفاقی وزیراطلاعات و نشریات سینیٹر شبلی فراز نے کہاہے کہ حکومت اپوزیشن کی جلسیوں سے خوف زدہ نہیں،اپوزیشن کی کرپشن بچانے کی مہم کامیاب نہیں ہو گی،مسلم لیگ ن کے رہنماؤں کی جانب سے مزار قائد پر ہلڑ بازی قابل مذمت ہے،نواز شریف کی واپسی کیلئے حکومت اقدامات کرے گی،وزیراعظم عمران خان کی قیادت میں پاکستان مضبوط اور خوشحال ملک بنے گا،آئندہ چند ہفتے میں عوام کو اچھی خبریں ملیں گی۔پیر کو وفاقی وزیر اطلاعات و نشریات سینیٹر شبلی فراز نے میڈیا سے گفتگو کرتے ہوئے کہاکہ صحافیوں کو درپیش مشکلات سے بخوبی آگاہ ہیں۔ انہوںنے کہاکہ حکومت میڈیا انڈسٹری کے مسائل کے حل کیلئے کوشاں ہے۔وفاقی وزیر اطلاعات نے کہاکہ صحافیوں کے حقوق کے تحفظ کیلئے بل اسمبلی میں پیش کیا جائیگا۔سینیٹر شبلی فراز نے کہاکہ بنارسی ٹھگوں کے ٹولے کا مقصد ملک میں انتشار پھیلانا ہے
