لاہور( این این آئی)معروف کامیڈین و گلوکار علی گل پیر نے وزیراعظم عمران خان کے ایک وائرل بیان پر پیروڈی ویڈیو بنادی۔علی گل پیر نے اپنے انسٹاگرام اکائونٹ پر ایک ویڈیو شیئر کی ہے جس میں وہ وزیراعظم عمران خان کے ایک وائرل بیان کی مزاحیہ انداز میں پیروڈی کی ہے۔علی گل پیر نے اپنی اس پیروڈی ویڈیو کے ساتھ وزیر اعظم عمران خان کا اصل بیان بھی شیئر کیا ہے جس میں وزیر اعظم عمران خان کا کہنا ہے کہ ان کی صرف اتنی زندگی ہے کہ وہ گھر سے دفتر اور دفتر سے گھر جاتے ہیں، بیچ میں ان کی کوئی اضافی یا غیر ضروری مصروفیت نہیں ہوتی ، وہ کام پر بہت زور دیتے ہیں اور بس کام کرتے ہیں۔وزیر اعظم عمران خان کا کہنا ہے کہ وہ صرف کام کرتے ہیں اور کام کرنے پر توجہ دیتے ہیں۔
