اسلام آباد (این این آئی) وزیراعظم عمران خان نے کہا ہے کہ نوجوانوں کی صلاحیتوں کو اجاگر کرنے کیلئے جدید علوم میں اعلی تعلیم کلیدی حیثیت رکھتی ہے ۔وزیر اعظم عمران خان کی زیر صدارت ملک میں اعلی تعلیم کے فروغ کے حوالے سے جائزہ اجلاس ہوا جس میں وفاقی وزراء اسد عمر ، فواد حسین ، اور شفقت محمود، معاون خصوصی ڈاکٹر شہباز گل، چیئرمین وزیر اعظم ٹاسک فورس برائے سائنس و ٹیکنالوجی ڈاکٹر عطا الرحمان ، ڈپٹی چیئرمین منصوبہ بندی کمیشن اور سینئر افسران نے شرکت کی ۔اجلاس کو سیالکوٹ انجینئرنگ یونیورسٹی کے قیام پر پیش رفت سے آگاہ کیا گیا۔ اجلاس کو بتایا گیا کہ اس 16.69 ارب روپے مالیت کے منصوبے کے لیے ایکنیک منظور ی دے چکی ہے، سیالکوٹ انجینئرنگ یونیورسٹی وفاق اور حکومت پنجاب مشترکہ طور پر قائم کرے گی جس کے لیے آدھی رقم اور زمین حکومت پنجاب مہیا کرے گی۔اجلاس کو آگاہ کیا گیا کہ آٹھویں ، نہم اور دہم جماعتوں کے نصاب میں سیرت النبی ۖ کی تعلیمات شامل کی جا رہی ہیں اور ان جماعتوں کے لیے نئے نصاب کا اجرا جلد کر دیا جائیگا۔وزیر اعظم نے کہا کہ نوجوانوں کی صلاحیتوں کو اجاگر کرنے کیلئے جدید علوم میں اعلی تعلیم کلیدی حیثیت رکھتی ہے لہذا حکومت اس پہلو پر بھرپور توجہ دے رہی ہےـانہوںنے کہاکہ وفاقی حکومت اعلی تعلیم کے فروغ کیلئے ہر ممکن مدد فراہم کرے گی۔
مقبول خبریں
سی پیک پا ک چین تعلقات میں نیا محرک بن کر ابھرا ہے، چینی...
اسلام آباد (این این آئی) چینی سفا رتخا نہ کے ڈپٹی چیف آف مشنز شی یوان چھیا نگ نے کہا ہے کہ چین...
بشکیک میں پاکستانی طلبہ کو ہر قسم کی مدد کی فراہمی یقینی بنائی جائے،...
اسلام آباد (امین این آئی)پاکستان پیپلز پارٹی کے چیئرمین بلاول بھٹو زرداری نے کہا ہے کہ بشکیک میں پاکستانی طلبہ کو ہر قسم کی...
محسن نقوی کی سعودی سفارت خانے آمد، سعودی سفیر سے گفتگو میں...
اسلام آباد (این این آئی)وفاقی وزیرداخلہ محسن نقوی نے سعودی عرب کے سفارت خانے کا دورہ کیا ، جہاں آمد پرپاکستان میں سعودی...
پاکستانی طلبا کے تحفظ کو یقینی بنانے کے لئے کرغز حکام سے رابطہ ...
اسلام آبا د(این این آئی)نائب وزیر اعظم اور وزیر خارجہ اسحاق ڈار نے کہا ہے کہ حکومت نے کرغز حکام سے...
وزیراعظم کا کرغزستان میں پاکستانی سفیر سے ٹیلی فونک رابطہ، پاکستانی طلبا ء کو...
اسلام آباد (این این آئی)وزیراعظم محمد شہباز شریف نے کر غزستان میں پاکستانی سفیر حسن علی ضیغم سے ٹیلی فونک رابطہ کیا اور کر...