اسلام آباد (این این آئی)پاکستان مسلم لیگ (ن) کے رہنما احسن اقبال نے کہا ہے کہ حکومت کی معاشی پالیسیاں دن بدن پاکستان کو دیوالیہ کر رہی ہیں۔ایک انٹرویو میں مسلم لیگ (ن )کے رہنما احسن اقبال نے کہا کہ حکومت کو پے درپے تمام ضمنی انتخابات میں شکست ہوئی ہے، کراچی کا جلسہ بھی ماضی کے جلسوں سے بڑا تھا۔احسن اقبال نے کہا کہ جب حکومت انتخابات کا اعلان کرے گی تو ان کاحشر ق لیگ جیسا ہوگا۔انہوں نے کہا کہ بلوچستان کی مصنوعی حکومت نے وہاں کی معیشت کو تباہ کر دیا ہے۔
