سرینگر(این این آئی)غیر قانونی طور پر بھارت کے زیر قبضہ جموں و کشمیرمیں مودی کی فسطائی بھارتی حکومت نے وادی کشمیر خصوصا سرینگر اور اسکے نواحی علاقوں کو گوانتانامو بے میں تبدیل کردیا ہے تاکہ لوگوںکو سیدعلی گیلانی کی دوران حراست وفات پر احتجاج سے روکاجاسکے ۔ کشمیر میڈیاسروس کے مطابق سیدعلی گیلانی کی وفات پر بڑے پیمانے پر احتجاجی مظاہروں کے خوف کی وجہ سے قابض انتظامیہ نے وادی کشمیر میں سخت کرفیو نافذ اور مواصلاتی بلیک آئوٹ کردیا ہے جبکہ حیدر پورہ سرینگر میں سیدعلی گیلانی کی رہائش گاہ پر لوگوں کے سمندر کو اکٹھے ہونے سے روکنے کیلئے علاقے میںبھارتی فوجیوں اور پولیس اہلکاروںکی بھاری نفری بھی تعینات کردی گئی۔ مبصرین کا کہنا تھا کہ اگر بھارت نے بندوق کی نوک پر لوگوںکو گھروں میں محصور نہ کیاہوتا اور انہیں سیدعلی گیلانی کے جنازے میں شرکت کی اجازت دی ہوتی تو یہ جموں وکشمیر کی تاریخ کا سب سے بڑا جنازہ ہوتا۔
