راولپنڈی (این این آئی)پاکستان اور نیوزی لینڈ کے درمیان پہلا انٹرنیشنل ون ڈے (کل) جمعہ17 ستمبر کو راولپنڈی اسٹیڈیم میں کھیلا جائے گا میچ دوپہر ڈھائی بجے شرورع ہوگا ۔شیڈول کے مطابق پاکستان اور نیوزی لینڈ کے دیگر دو میچز 19 اور 21 ستمبر کو کھیلے جائیں گے، میچز کے لیے 25 فیصد شائقین کرکٹ کو بھی اسٹیڈیم میں آنے کی اجازت دی گئی ۔دوسری جانب 18 سال بعد پاکستان آنے والی نیوزی لینڈ کی کرکٹ ٹیم کے خلاف پہلے ون ڈے کے لیے بارہ رکنی قومی ٹیم کا اعلان کر دیا گیا ہے۔پی سی بی کی جانب سے جاری کیے گئے پیغام کے مطابق پہلے ون ڈے میں بابر اعظم (کپتان)، شاداب خان( نائب کپتان)، فخر زمان، حارث رئوف، حسن علی، افتخار احمد، امام الحق، محمد رضوان، سعود شکیل، شاہین شاہ ا?فریدی، عثمان قادر اور زاہد محمود شامل ہیں۔یاد رہے کہ دونوں ٹیموں کے درمیان باقی دو میچز 19 اور 21 ستمبر کو کھیلے جائیں گے، جس کے بعد دونوں ٹیمیں لاہور روانہ ہوجائیں گی جہاں پانچ ٹی ٹونٹی انٹرنیشنل میچز کی سیریز 25 ستمبر سے 3 اکتوبر تک قذافی اسٹیڈیم لاہور میں کھیلی جائے گی۔
