اسلام آباد (این این آئی)ترجمان پیپلزپارٹی پارلیمنٹرینز شازیہ مری نے کہاہے کہ مہنگی چینی کی درآمدگی قومی خزانے کو لوٹنے کی بڑی واردات ہے ۔ اپنے بیان میں شازیہ مری نے کہاکہ وزیراعظم صاحب لوٹ مار کرے ہو یا کرامات کرے ہو ۔ انہوں نے سوال اٹھایاکہ فی کلو 123 چینی در آمد کرنے کا فیصلہ قومی خزانہ پر ڈاکا نہیں تو اور کیا ہے ۔ انہوںنے کہاکہ یوٹیلٹی اسٹورز کو 85 روپے کلو چینی بیچی جائے گی 38 روپیے کس کی جیب میں جائیں گے۔شازیہ مری نے کہاکہ اوپن مارکیٹ میں کوئی اتنی مہنگی چینی نہیں خریدے گا ، عمران خان اپنے مالی سہولت کاروں کو امیر سے امیر ترین بنا رہا ہے ۔ انہوںنے کہاکہ عمران خان نے معیشت سے وابستہ ہر وزارت اور محکمہ میں مالی سہولت کار بٹھا رکھے ہیں، کیا ملک کی تمام شوگر ملز بند ہو چکی ہیں، چوپٹ راجا نے ملک کوآندھیری نگری بنا دیا ہے ۔
