صدر مملکت کاجنوبی وزیرستان کے دہشتگرد حملے کے شہداکے لواحقین سے ٹیلیفونک رابطہ

0
184

اسلام آباد (این این آئی)صدر مملکت ڈاکٹر عارف علوی نے 15 ستمبر کو جنوبی وزیرستان میں دہشت گرد حملے میں شہید ہونے والے جوانوں کے لواحقین سے ٹیلیفونک رابطہ کیا ہے،انھوں نے شہداء کو ان کی خدمات اور بہادری پر خراج عقیدت پیش کیا۔ منگل کو ایوان صدر کے پریس ونگ سے جاری بیان کے مطابق صدر مملکت نے سوار محمد انتظار ، سوار سلمان اور سوار ساجد حسین کے اہل ِ خانہ سے بات کی۔صدر مملکت نے سوار محمد شیراز اور لانس دفعدار اشتیاق حسین کے اہلِ خانہ سے بھی بات چیت کی۔صدر عارف علوی نے نائب رسالدار عامر شکیل اور سوار خرم شہزاد کے اہل خانہ کو بھی ٹیلی فون کیا۔ڈاکٹر عارف علوی نے شہداء کو اْن کی خدمات اور بہادری پر خراج عقیدت پیش کیا۔ انہوں نے شہداء کے درجات کی بلندی کی دعاکی۔صدرمملکت نے دعاکی کہ اللہ تبارک وتعالیٰ شہدا کے اہل خانہ کو صبر جمیل عطا فرمائے۔