کراچی(این این آئی)پاکستان کرکٹ بورڈ نے اٹھارہ ممکنہ خواتین کھلاڑیوں کو تربیتی کیمپ میں طلب کرلیا ہے، کیمپ 5 سے 20 اکتوبر تک حنیف محمد ہائی پرفارمنس سینٹر اور نیشنل اسٹیڈیم کراچی میں جاری رہے گا۔سولہ روزہ کیمپ آئی سی سی ویمنز ورلڈکپ کوالیفائرز کی تیاریوں کیلئے لگایاجارہا ہے،ایونٹ 21 نومبر سے 5 دسمبر تک زمبابوے میں کھیلا جائے گا۔کیمپ کے دوران کھلاڑیوں کی فٹنس اور اسکلز پرخصوصی توجہ دی جائیگی اس دوران خواتین کھلاڑیوں اور انڈر 19 بوائز ٹیموں کے مابین پریکٹس میچز بھی منعقد کیے جائیں گے۔کیمپ میں طلب کردہ کرکٹرز میں ایمن انور ، عالیہ ریاض ، انعم امین ، عائشہ ظفر ، ڈیانا بیگ ، فاطمہ ثنا ، ارم جاوید ، جویریہ خان ، کائنات امتیاز ، ماہم طارق ، منیبہ علی ، نشرہ سندھو ، ندا ڈار ، عمیمہ سہیل ، سعدیہ اقبال ، سدرہ امین ، سدرہ نواز ، اور رامین شمیم شامل ہیں ۔
