اسلام آباد (این این آئی)قومی احتساب بیورو (نیب) میں ڈی جی آپریشن کے عہدے پر موجود ظاہر شاہ کو ڈپٹی چیئرمین نیب تعینات کرنے کی منظوری دے دی گئی۔ذرائع کے مطابق صدر مملکت ڈاکٹر عارف علوی نے ظاہر شاہ کی ڈپٹی چیئرمین نیب تعیناتی کی حتمی منظوری دے دی، نیب نے ظاہر شاہ کی بطور ڈپٹی چیئرمین تعیناتی کے لیے سمری وزارت قانون کو بھیجی تھی۔ذرائع کے مطابق وزارت قانون و انصاف ڈپٹی چیئرمین نیب تعیناتی کا نوٹیفکیشن جاری کریگی۔واضح رہے کہ ظاہر شاہ بطور ڈی جی آپریشن نیب ہیڈ کوارٹر میں تعینات تھے، ڈپٹی چیئرمین کا عہدہ 4 اکتوبر کو حسین اصغر کے استعفے کے باعث خالی ہوا تھا۔یاد رہے کہ حسین اصغر کو 25 اپریل 2019 کو ڈپٹی چیئرمین نیب کے عہدے پر تعینات کیا گیا تھا۔حسین اصغر دوران ملازمت ڈی جی اینٹی کرپشن پنجاب اور آئی جی گلگت بلتستان کی حیثیت سے بھی کام کرچکے تھے۔حسین اصغر نیوفاقی تحقیقاتی اداریایف آئی اے میں بھی خدمات انجام دیں اورپیپلز پارٹی کیدورحکومت میں حج کرپشن کیس کو بھی منطقی انجام تک پہنچایا تھا۔
