نئی دہلی(این این آئی)انڈین نیشنل کانگریس کی صدرسونیا گاندھی نے بھارت کے غیر قانونی زیر قبضہ جموں و کشمیر کی بگڑتی ہوئی صورتحال پر شدید تشویش کا اظہار کرتے ہوئے علاقے میں خونریزی پر قابو پانے میں ناکامی کا ذمہ دار بھارتیہ جنتا پارٹی کی حکومت کو قرار دیا ہے۔کشمیرمیڈیاسروس کے مطابق سونیا گاندھی نے مقبوضہ جموں کشمیر میں انڈین نیشنل کانگریس کے سربراہ غلام احمد میر کے ساتھ نئی دہلی میں ملاقات کے دوران مقبوضہ علاقے کی موجودہ صورتحال اور پارٹی سرگرمیوں کا جائزہ لیتے ہوئے علاقے کی بگڑتی ہوئی صورتحال اور ٹارگٹ کلنگ پر شدید تشویش کا اظہار کیا۔ سونیا گاندھی نے کہا کہ بی جے پی حکومت علاقے میں تشدد پر قابو پانے میں بری طرح ناکام رہی ہے ۔ انہوں نے کہا کہ وادی میں اقلیتوں کے درمیان اعتماد کو بحال کرنے کی فوری ضرورت ہے۔
