لاہور( این این آئی)سینئر اداکارمصطفی قریشی نے کہا ہے کہ سلطان راہی کے قتل کے ساتھ ہی پنجابی فلم انڈسٹری کابھی خاتمہ ہو گیا تھا،میںنے بے شمارفلموں میںسلطان راہی کے مد مقابل ولن کا کردارکیا اور ہم دونوںکی جوڑی کو بہت پسندکیا جاتا تھا۔ ایک انٹرویو میں مصطفی قریشی نے کہا کہ مولاجٹ ایسی فلم تھی جس نے سلطان راہی اور مجھے شہرت کی بلندیوںپر پہنچا دیا اور اس کے بعد میری اور سلطان راہی کی ہیرو اورولن کی جوڑ ی کسی بھی فلم کیلئے ناگزیر سمجھی جاتی تھی ۔ انہوں نے کہا کہ سلطان راہی کا قتل در اصل پنجابی فلم انڈسٹری کا قتل تھا اور اس کے بعد فلم انڈسٹری بے یارو مددگار ہو گئی،سلطان راہی کے بعداس کے متبادل کے طو رپر کسی کوسامنے لانے کی کوشش ہی نہیں کی گئی ۔انہوں نے کہا کہ سلطان راہی مرحوم کاصاحبزادہ حیدر سلطان فلموںمیں کام کررہا ہے اور میری دعا ہے کہ وہ بھی اپنے باپ کی طرح نام اورمقام حاصل کرے۔
