اسلام آباد (این این آئی)وزیر اعظم عمران خان ہفتہ کو ایک روزہ دورہ پر میانوالی پہنچے ، میانوالی پہنچنے پر وزیر اعظم کا پرتپاک استقبال کیا گیا۔ اس موقع پر وزیر اعظم عمران خان نے مختلف منصوبوں کا افتتاح کیا جن میں پرانی مویشی منڈی میں سٹی پارک کا قیام، سرگودھا تا میانوالی دو رویہ سڑک کی تعمیر کا پہلا مرحلہ اور نمل جھیل پر میاواکی جنگل کا قیام شامل ہے۔ انہوں نے اس موقع پر کالا باغ شکردرہ سڑک کی تعمیر، ڈسٹرکٹ ہیڈ کوارٹر ہسپتال میانوالی کی اپ گریڈیشن، پرائم منسٹر پیکج ٹو، ڈسٹرکٹ ڈویلپمنٹ پیکج اور بلکسرمیانوالی سڑک کی تعمیر کے منصوبوں کا سنگ بنیاد بھی رکھا۔ ترقیاتی منصوبوں کے افتتاح اور سنگ بنیاد رکھنے کی تقریب میں وزیر اعلیٰ پنجاب سردار عثمان بزدار بھی وزیر اعظم کے ہمراہ تھے۔
