لاہور(این این آئی)سینئر اداکار شگفتہ اعجاز نے کہا ہے کہ پاکستان میںسینئرز کو نظر انداز کیا جاتا ہے جو اس شعبے کے ساتھ زیادتی ہے ،ہمارے ہاں عورت ہی عورت پر ظلم دیکھنا چاہتی ہے ۔ ایک انٹرویو میں شگفتہ اعجازنے کہا کہ ہمیں وہ دکھاناچاہیے جو اس وقت ہمارے معاشرے کی ضرورت ہے ، یہ ٹھیک ہے کہ لوگ مصالحہ دیکھنا چاہتے ہیں لیکن ہمیں لوگوںکواس طرف لانا پڑے گا جو ہمارے معاشرے کے لئے سود مند ہے ۔انہوںنے کہا کہ ہمارے ہاں ایوارڈدینے کا پیمانہ یہ ہے کہ آپ کو نامزد کیا گیا ہے اور آپ نے وہاں پر اپنی حاضری یقینی بنانی ہے ،اگر آپ حاضری یقینی نہیں بنائیں گے تو آپ کو ایوارڈ نہیں ملے گا۔ انہوںنے کہا کہ یہاں پر بہت بڑے بڑے نام ہیں، یہ وہ لو گ ہیں جنہیں پی ٹی وی پر دیکھنے کے لئے لوگ گھنٹوںانتظار کرتے تھے لیکن وہ آج کہاںہیں ،شوز میں ان کو کیوںنہیں بلایا جاتا کیونکہ وہ گلیمرس سے دوررہتے ہیں۔
