اسلام آباد (این این آئی) الیکشن کمیشن نے ضلع مہمند خیبر پختون خوا میں ڈسٹرکٹ الیکشن کمیشن کے دفتر پر حملے کا سخت نوٹس لیتے ہوئے سیکرٹری الیکشن کمیشن کو ذمہ داران کے خلاف فوری کارروائی کی ہدایت کی ۔ جمعہ کو ترجمان الیکشن کمیشن کے مطابق چیف الیکشن کمشنر نے کہاکہ ملوث عناصر کو قانون کے مطابق سخت ترین سزا دی جائے ۔ترجمان کے مطابق سیکرٹری الیکشن کمیشن نے آئی جی خیبر پختون خوا سے فوری رابطہ کر کے ذمہ داروں کی خلاف سخت اور فوری کارروائی کی ہدایت کی ۔آئی جی خیبر پختون خوا نے ذمہ داروں کے خلاف فوری کارروائی عمل میں لانے کی یقین دہانی کرائی ۔
