اسلام آباد (این این آئی)وفاقی وزیر خزانہ و محصولات شوکت ترین نے کہا ہے کہ حکومت ٹیکس نیٹ کے دائرہ کار کو وسیع کرنے کیلئے ٹھوس اقدامات اٹھا رہی ہے، ہمارے پاس ڈیٹا آ گیا ہے، آرٹیفشل انٹیلی جنس اور ٹریک اینڈ ٹریس پالیسی کی مدد سے ٹیکس پیئر کی تعداد کو 8 سے 10 ملین تک بڑھائیں گے، حکومت اس وقت پٹرول و ڈیزل پر 22 ارب روپے کی سبسڈی برداشت کر رہی ہے، پٹرولیم مصنوعات پر مزید ٹیکس کم کرنے کی گنجائش نہیں ہے، بجلی کی قیمت پہلے ہی بڑھا چکے ہیں، مزید اضافہ ہوا بھی تو بہت تھوڑا ہو گا۔ پیر کو ایک انٹرویومیں انہوں نے کہا کہ آئی ایم ایف پروگرام سے گھبرانے کی ضرورت نہیں ، ہم نے آئی ایم ایف کے اہداف پورے کئے ہیں، اس وقت ہم اچھا ریونیو جمع کر رہے ہیں، آئی ایم ایف زور دے رہا ہے کہ جو پراویڈنٹ فنڈ پر ٹیکس چھوٹ دے رکھی ہے اسے ختم کر دیں، ہم پراویڈنٹ فنڈز پر ٹیکس چھوٹ ختم کر کے تنخواہ دار طبقے کی مشکلات نہیں بڑھا سکتے اسلئے پراویڈنٹ فنڈ پر ٹیکس نہ لگانے کے حوالے سے بات کریں گے۔ شوکت ترین نے کہا کہ اس وقت ہمارا فوکس ٹیکس نیٹ کے دائرہ کار کو وسیع کرنے پر مرکوز ہے، ہمیں ٹیکس پیئر کی تعداد کو 8 سے 10 ملین تک بڑھانا ہے، سیلز ٹیکس کا دائرہ کار وسیع کر رہے ہیں اور اس کیلئے ہم ڈیٹا کے ساتھ آرٹیفشل انٹیلی جنس کی مدد لے رہے ہیں۔ انہوں نے کہا کہ بڑے ریٹیلرز کے پاس جائیں گے جو ٹیکس نیٹ سے باہر ہیں، ڈیلرز، ریٹیلرز سپلائی چین کا حجم سالانہ 16 ہزار ارب روپے ہے، ٹیکس پیئر بننے کے بعد یہ لوگ بینکنگ سسٹم میں خود آئیں گے۔ ایک سوال کے جواب میں وفاقی وزیر نے کہا کہ بجلی کی قیمتوں میں اگر اضافہ ہوا بھی تو بہت تھوڑا ہو گا، فی یونٹ بجلی ایک روپے 65 پیسے مہنگی کر چکے ہیں، پٹرول کی قیمتیں ہمارے بس میں نہیں ہیں، حکومت اس وقت پٹرول و ڈیزل پر 22 ارب روپے کی سبسڈی برداشت کر رہی ہے، پٹرول پر سیلز ٹیکس ختم کر دیا اور پی ڈی ایل بھی کم کر دیا ہے، پٹرولیم مصنوعات پر مزید ٹیکس کم کرنے کی گنجائش نہیں ہے
مقبول خبریں
جو بائیڈن کی ایران پر حملے کے اسرائیلی پلان پر گفتگو اشتعال انگیز ہے،...
تہران ( این این آئی )ایران نے کہا ہے کہ امریکی صدر جو بائیڈن کی برلن میں ایران پر حملے کے اسرائیلی پلان پر...
پیوٹن کے نزدیک بائیڈن اور ہیرس کی کوئی عزت نہیں، ٹرمپ
واشنگٹن ( این این آئی )پچھلے مہینوں کے دوران امریکی صدارتی انتخابات کے لیے ریپبلکن پارٹی کے امیدوار ڈونلڈ ٹرمپ نے بارہا کہا ہے...
فوری طبی امداد کے لیے غزہ سے 1000 خواتین اور بچوں کا انخلا
نیویارک( این این آئی )ڈبلیو ایچ او کی یورپ شاخ کے سربراہ نے شائع ہونے والے تبصروں میں کہا ہے کہ 1,000 تک خواتین...
بانی پی ٹی آئی نے طبی معائنے کے لیے اسلام آباد ہائیکورٹ میں درخواست...
اسلام آباد (این این آئی)پاکستان تحریک انصاف کے بانی چیئرمین اور سابق وزیر اعظم عمران خان نے طبی معائنے کے لیے اسلام آباد ہائیکورٹ...
چیف جسٹس کی تقرری، پارلیمانی کمیٹی کی تشکیل کے لیے ارکان کے نام طلب
اسلام آباد (این این آئی)چیف جسٹس پاکستان کی تعیناتی کے سلسلے میں پارلیمانی کمیٹی تشکیل کے عمل کا آغاز ہو گیا ہے اس...