لاہور (این این آئی) سینئر اداکار ہ فضیلہ قیصر نے کہا ہے کہ معاشرے میں عدم برداشت اور اسی طرز کے دیگر منفی رجحانات تیزی سے فروغ پارہے ہیں لیکن بد قسمتی سے ان کی روک تھام یا اصلاح کیلئے عملی طو رپر کاوشیں ہوتی ہوئی دکھائی نہیں دیتیں، سوشل میڈیا پر جو کچھ ہو رہا ہے اس پر دوسرے لوگوں کی طرح میرے بھی تحفظات ہیں۔ ایک انٹر ویو میں انہوںنے کہا کہ ہمارے معاشرے میں جس طرح تبدیلیاں رونما ہو رہی ہیں اس میں مثبت رجحانات کو فروغ دینے کے لئے کوششیں ہونی چاہئیں جس کیلئے والدین اور تعلیمی ادارے اپنا کردار اد اکریں ۔آج میڈیا کا دور ہے اس پلیٹ فارم کو نوجوان نسل کی بہترین تربیت کیلئے استعمال کرنا چاہیے۔انہوں نے کہا کہ نوجوان نسل سوشل میڈیا کا مثبت استعمال کرے جس سے معاشرے میں مثبت رجحانات فروغ پائیں گے ۔ والدین اپنے بچوں کو اعتماد دینے کے ساتھ ان کی سر گرمیوں پر کڑی نظر رکھیں تاکہ وہ بھٹک نہ سکیں۔
