اسلام آباد (این این آئی)نائب صدر پیپلز پارٹی سینیٹر شیری رحمان نے کہا ہے کہ عورت مارچ کو اسلام آباد میں این او سی کیوں دینے سے انکار کیا گیا؟ ،حکومت کو کس بات کا ڈر ہے؟۔ عورتوں کے عالمی د ن کے موقع پر اپنے پیغام میںانہوںنے کہاکہ عورتوں کے عالمی دن کے موقعے پر پاکستان سمیت دنیا بھر کی خواتین کو خراج عقیدت پیش کرتی ہوں۔ انہوں نے کہاکہ عورت مارچ کو اسلام آباد میں این او سی کیوں دینے سے انکار کیا گیا؟ ،اس حکومت کو کس بات کا ڈر ہے؟ ۔ انہوںنے کہاکہ عالمی دن کے موقع پر پر امن عورتیں اپنے حقوق مانگ رہی ہیں، ان آپ نہتی عورتوں ست کیوں خوف زدہ ہیں۔ انہوںنے کہاکہ 8 مارچ کا دن عورتوں کی جدوجہد اور حقوق کی علامت ہے، پاکستان کی 49 فیصد آبادی عورتوں پر مشتمل ہے اور عورتیں ملک کے ہر شعبے میں ریڑھ کی ہڈی کا کردار ادا کر رہی ہیں۔ سینیٹر شیری رحمن نے کہاکہ شہید بھٹو کا آئین پاکستان عورتوں کے حقوق کے تحفظ کی ضمانت دیتا ہے۔ انہوںنے کہاکہ آج اگر عورت مارچ ”اجرت، تحفظ اور سکون” کا مطالبہ کر رہا ہے تو یہ مطالبات آئین پاکستان کے میں دئے گئے حقوق کے مطابق ہے۔ انہوںنے کہاکہ پاکستان کے طبقاتی سماج میں عورت دوہرے استحصال کا شکار ہے، ہمیں خواتین متعلق تعصبات کے خلاف شعور بیدار کرنا ہے اور مساوی حقوق کے لئے اقدامات کرنے ہیں۔ انہوںنے کہاکہ پیپلز پارٹی عورتوں کے حقوق اور اختیارات کی علم بردار ہے، عورتوں کو خودمختار با اختیار بنانا پیپلز پارٹی کے منشور کا بنیادی حصہ ہے۔ انہوںنے کہاکہ چیئرمین بلاول بھٹو زرداری کی قیادت میں پیپلز پارٹی عورتوں کے حقوق کے حصول کی جدوجہد جاری رکھے گی۔
مقبول خبریں
پاکستان میں جمہوریت کی مضبوطی کیلئے مادر جمہوریت بیگم نصرت بھٹو کے نظریے کو...
اسلام آباد (این این آئی)صدر مملکت آصف علی زرداری نے پاکستان میں جمہوریت کی مضبوطی کیلئے مادر جمہوریت بیگم نصرت بھٹو کے نظریے کو...
وزیر خزانہ سے سعودی ہم منصب محمد الجدان کی ملاقات،باہمی دلچسپی کے شعبوں...
واشنگٹن(این این آئی)وزیر خزانہ محمد اورنگزیب سے ورلڈ بینک اورآئی ایم ایف کی سالانہ میٹنگز کے موقع پر ان کے سعودی...
پیراپلیجک سنٹر پشاور میں مفت کلب فٹ علاج پر تربیتی ورکشاپ کامیابی سے اختتام...
پشاور(این این آئی) پیراپلیجک سنٹر پشاور نے آزاد کشمیر کیلئے دو روزہ تربیتی ورکشاپ کا کامیاب انعقاد کیا۔ اس کا مقصد طبی ماہرین کو...
وزیر خزانہ کی واشنگٹن میں ملاقاتیں، پاکستانی معیشت کی بحالی اور...
واشنگٹن (این این آئی)وزیر خزانہ سینیٹر محمد اور نگزیب نے پاکستان کی معیشت کی بحالی اور اصلاحات کے لئے معاشی استحکام کے...
توشہ خانہ ٹو کیس میں بشریٰ بی بی کی ضمانت منظور
اسلام آباد (این این آئی)اسلام آباد ہائی کورٹ نے توشہ خانہ ٹو کیس میں سابق وزیراعظم اور پاکستان تحریک انصاف کے بانی عمران خان...