اسلام آباد (این این آئی)وفاقی وزیر برائے آبی وسائل سید خورشید شاہ نے قومی اسمبلی کو بتایا ہے کہ 1961 کے بعد رواں سال ملک بھر میں پانی کی شدید قلت کا سامنا ہے، امید ہے 15جون تک پانی کی کمی دور ہو جائیگی، پنجاب، سندھ ، بلوچستان اور چولستان کو آئین کے تحت برابری کی بنیاد پر پانی ملے گا۔ جمعرات کو اجلاس کے دوران پانی کی قلت کے حوالے سے ارکان کی طرف سے اٹھائے گئے معاملے پر پالیسی بیان میں انہوں نے کہا کہ ہمیں حقیقت کا سامنا کرنا چاہیے اور جمہوری روایات کا بھی خیال رکھنا چاہیے۔ انہوں نے کہا کہ وزرا، ارکان اور لیڈر شپ کو ایوان میں موجود رہنا چاہیے۔ وزرا کو باقی کام پارلیمنٹ کے بعد کرنے چاہئیں،پانی کے مسئلہ پر بات کرتے ہوئے انہوں نے کہا کہ پانی انسانوں، جانوروں اور زراعت کا مسئلہ ہے، ہمارا مستقبل بھی پانی کے ساتھ جڑا ہوا ہے۔ پانی کی شدید کمی ہے،اس طرح کی کمی 1961 میں آئی تھی۔ اس وقت یہ طویل کمی تھی مگر اس مرتبہ ہمیں امید ہے 15 جون تک اس کمی پر قابو پالیا جائے گا،اگر درجہ حرارت یہی برقرار رہا تو تربیلا سے گدوتک آئندہ 15 سے 22 دنوں میں پانی پہنچ جائے گا۔ کابل سے گزشتہ سال کے مقابلے میں اس مرتبہ 43 فیصد سے کم ہو کر 37 فیصد پانی آرہا ہے۔ منگلا بارش کے پانی سے بھرتا ہے جبکہ تربیلا میں گلیشیئر پگھلنے سے پانی آتا ہے۔ انہوں نے کہا کہ ایوان کی آبی وسائل کی قائمہ کمیٹی گزشتہ روز سے بیٹھی ہوئی ہے، پانی انسانی مسئلہ ہے یہ اللہ تعالی کی طرف سے ہے، اس پر ہمیں دعا کرنی چاہیے کہ اللہ اس آفت سے ہمیں پناہ دے۔ انہوں نے کہا کہ پنجاب، سندھ اور بلوچستان سمیت پورے ملک میں پانی کی شدید کمی ہے۔
مقبول خبریں
متحدہ عرب امارات میں آج سے شدید بارش کی پیشگوئی
ابوظہبی(این این آئی)متحدہ عرب امارات میں بدھ کی شام سے جمعرات تک شدید بارش کی پیشگوئی کی گئی ہے۔غیرملکی خبررساں ادارے کے مطابق اماراتی...
جنگ بندی اور غزہ سے اسرائیلی افواج کا انخلا چاہتے ہیں، حماس
مقبوضہ بیت المقدس(این این آئی)حماس کے ترجمان عبدالطیف الکانو نے کہا ہے کہ ہمارے مطالبات جائز ہیں، مستقل جنگ بندی اور غزہ سے...
اسرائیل نے 40 روزہ جنگ بندی کی پیشکش کی ہے، برطانیہ
مقبوضہ غزہ(این این آئی)غزہ میں جنگ بندی معاہدے کی کوششیں جاری ہیں۔ غیرملکی خبررساں ادارے کے مطابق اس حوالے سے برطانوی وزیرخارجہ نے کہا...
اعلی امریکی سفارت کار کی شہزادہ محمد بن سلمان سے ریاض میں ملاقات
ریاض(این این آئی)سعودی ولی عہد اور وزیر اعظم شہزادہ محمد بن سلمان نے پیر روز امریکہ کے اعلی ترین سفارت کار انٹونی بلنکن سے...
سپریم کورٹ کا ملک بھر میں سڑکوں اور فٹ پاتھ پر سے تجاوزات 3دن...
کراچی(این این آئی)سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دیتے ہوئے تحریری حکم نامہ جاری...