اسلام آباد (این این آئی)ویمن ایکشن فورم (ڈبلیو اے ایف) نے مریم نواز سے متعلق عمران خان کے بیان کو عورتوں سے بے حد نفرت کا اظہار قرار دیدیا۔ ڈبلیو اے ایف نے اپنے جاری کردہ بیان میں عمران خان کے بیان کی مذمت کرتے ہوئے مطالبہ کیا کہ تحریک انصاف کے سربراہ اپنے بیان پر معافی مانگیں۔ڈبلیو اے ایف نے کہا کہ اس طرح کے بیانات عمران خان کی مایوسی اور خودپسندی کو ظاہر کرتے ہیں جبکہ وہ سنجیدہ بحث سے قاصر ہیں۔بیان میں کہا گیا کہ عوام عمران خان کے شرمناک ریمارکس کے خلاف احتجاج کرے۔
