اولان باتار(این این آئی)روس کے صدر ولادیمیر پیوٹن عالمی عدالت کے وارنٹ گرفتاری کے باوجود منگولیا کے دورے پر پہنچ گئے جہاں ان کا پرتپاک خیر مقدم کیا گیا۔غیرملکی میڈیاکے مطابق روسی صدر پر گزشتہ سال بین الاقوامی فوجداری عدالت نے وارنٹ گرفتاری جاری کیے تھے۔ روسی رہنما یوکرین کے بچوں کی مبینہ غیر قانونی ملک بدری کے الزام میں عالمی عدالت کو مطلوب ہیں۔منگولیا کے صدر نے دارالحکومت اولان باتار میں ایک پروقار تقریب میں ان کا استقبال کیا۔کریملن کے ایک ترجمان نے کہا کہ انہیں اس بات پر کوئی تشویش نہیں ہے کہ اس دورے کے دوران صدر پیوٹن کو گرفتار کر لیا جائے گا۔منگولیا کے صدر اوخناگین خریلسوخ سے ملاقات کرنے والے روسی رہنما کے استقبال کے لیے گھوڑوں پر سوار فوجیوں نے دارالحکومت کے چنگیز خان اسکوائر پر انہیں سلامی پیش کی۔
روس کے صدر ولادیمیر پیوٹن عالمی عدالت کے وارنٹ گرفتاری کے باوجود منگولیا کے دورے پر پہنچ گئے){kind=link}