اسلام آباد(این این آئی) پاکستان پیپلز پارٹی (پی پی پی) کے چیئرمین بلاول بھٹو زرداری کا کہنا ہے کہ میرے دروازے آج بھی تحریک انصاف کے لئے کھلے ہیں، آج بھی جو کمیٹی بنی ہے اس کے ممبر موجود ہیں، آج تک پی ٹی آئی نے ہم سے رابطہ نہیں کیا۔بلاول بھٹو نے نجی ٹی وی چینل پر گفتگو کرتے ہوئے بتایا کہ 25 اکتوبر تک آئینی ترمیم نہ ضروری ہے، نہ مجبوری ہے، حکومت چاہے گی کہ آئینی ترمیم 25 اکتوبر سے پہلے ہو۔ پی پی چیئرمین نے کہا کہ جسٹس فائز عیسیٰ کے دور میں پہلی بار ہوا موجودہ چیف جسٹس نے اپنے اختیارات دوسرے جج سے شیئر کیے۔ان کا کہنا تھا کہ ہم جسٹس فائز عیسیٰ اور منصور علی شاہ دونوں کا احترام کرتے ہیں، چاہتے ہیں سب کے اتفاق رائے سے آئینی ترمیم لائیں۔انہوں نے کہا کہ پیپلز پارٹی چاہتی ہے تمام سیاسی جماعتوں میں اتفاق رائے ہو، پارلیمان میں کہا تھا کہ سب کو مل کر بہتری کے فیصلے لینا چاہئیں، پارلیمان کی ایسی کمیٹی بنے جہاں سب کی نمائندگی ہو، ہم ساتھ بیٹھنے کا ماحول بناتے ہیں تو پی ٹی آئی کی طرف سے خراب کیا جاتا ہے۔بلاول بھٹو نے بتایا کہ میرے دروازے آج بھی تحریک انصاف کے لئے کھلے ہیں، آج بھی جو کمیٹی بنی ہے اس کے ممبر موجود ہیں، آج تک پی ٹی آئی نے ہم سے رابطہ نہیں کیا۔بلاول بھٹو نے بتایا کہ تحریک انصاف کا مشن پاکستان کو فیل کرنا ہے، اس کا سیاسی مقصد ہے کہ ملک جام ہو، چاہیمعیشت، حکومت، پارلیمان یا سیاست ہو۔پی پی چیئرمین کا کہنا تھا کہ ملک نہ چلنے کا نقصان ہم سب کا ہوگا، سیاسی فائدہ تحریک انصاف کا ہوگا۔انہوں نے کہا کہ پیپلز پارٹی مثبت سیاست کرنا چاہتی ہے، پاکستان کا سب سے بڑا مسئلہ مہنگائی ہے جو کم ہوتی نظر ا?رہی ہے۔ہمیں حکومت کے ان مثبت اقدامات کی تعریف کرنا چاہئے، پی ٹی آئی کا مقصد آئی ایم ایف کا پروگرام سبوتاڑ کرنا، جوڈیشری نظام میں تبدیلی کو سبوتاژ کرنا ہے۔
مقبول خبریں
آئینی اصلاحات ملکی مفاد میں ہیں ہونی چاہئے، ملک کو ہم آہنگی کی ضرورت...
اسلام آباد(این این آئی)رہنما پیپلزپارٹی راجہ پرویز اشرف نے کہا ہے کہ آئینی اصلاحات ملکی مفاد میں ہیں ہونی چاہئے،ملک کو ہم آہنگی کی...
8 اکتوبر تک 40 لاکھ 78 ہزار نے ٹیکس گوشوارے جمع کرادئیے، ایف بی...
اسلام آباد(این این آئی)فیڈرل بورڈ آف ریونیو (ایف بی آر) کو یکم جولائی سے 8 اکتوبر 2024ء کے دورانیے میں 9 لاکھ 42 ہزار...
زرعی شعبے پر ٹیکس کا اطلاق آئندہ سال یکم جولائی سے ہو گا ،...
اسلام آباد(این این آئی)وفاقی وزیر خزانہ محمد اورنگزیب نے کہا ہے کہ زرعی شعبے پر ٹیکس کا اطلاق آئندہ سال یکم جولائی سے ہو...
آئینی عدالت کے نام پر کٹھ پتلی عدالت قائم کی جا رہی ہے،حافظ حمد...
اسلام آباد(این این آئی)جے یو آئی کے مرکزی رہنما حافظ حمد اللہ نے کہاہے کہ آئینی عدالت کے نام پر کٹھ پتلی عدالت قائم...
موجودہ حکومت نے پالیسیوں کے تسلسل اور اصلاحات کے ذریعے ملکی معیشت کو بحال...
اسلام آباد (این این آئی) وفاقی وزیر منصوبہ بندی ترقی اصلاحات وخصوصی اقدامات احسن اقبال نے کہاہے کہ کسی بھی ملک کی ترقی...