ایشیاء اوپن کیروگی تائیکوانڈو چیمپئن شپ’ پاکستان کے شاہزیب خان نے گولڈ میڈل جیت لیا

کراچی (این این آئی)پاکستان کے شاہ زیب خان نے ایشیاء اوپن کیروگی تائیکوانڈو چیمپئن شپ کے 54 کلوگرام کیٹیگری کے فائنل میں دلچسپ مقابلے کے بعد فلپائن کے کالمبا کو شکست دیکر گولڈ میڈل جیت لیا۔پہلے راؤنڈ میں کالبا نے شاہ زیب کیخلاف 6 کے مقابلے میں 11 پوائنٹس سے کامیابی حاصل کی۔ دوسرے راؤنڈ میں شاہ زیب نے شاندار کھیل کا مظاہرہ کرتے ہوئے 10ـ3 اور تیسرا راؤنڈ 18ـ0 سے جیت کر پاکستان کیلئے ایونٹ میں پہلا گولڈ میڈل اپنے نام کیا۔ اس سے قبل شاہ زیب نے سیمی فائنل میں انڈونیشیا کے ہدایت توماکاکا کو 12ـ14.16ـ14 اور 22ـ0 سے شکست دیکر فائنل کیلئے کوالیفائی کیا 87 ویٹ کیٹیگری فائنل میں قازقستان کے کابلان نے پاکستان کے حمز سعید کو 5ـ1 اور 4ـ4 پوائنٹس کے مارجن سے شکست دیکر طلائی تمغہ جیت لی