صنعا،ریاض (این این آئی )سعودی عرب کے بین الاقوامی کردار اور شہرت کے حامل امدادی ادارے شاہ سلمان ریلیف نے مختلف ممالک میں اپنی انسانی بنیادوں پر امدادی سرگرمیاں جاری رکھی ہیں۔ شام کے شہریوں کے لیے اردن میں قائم پناہ گزین کیمپ الزتاری میں ماہ نومبر کے پہلے ہفتے کے دوران 2483 افراد کو علاج معالجے کی خدمات پیش کی گئیں۔سعودی پریس ایجنسی کے مطابق نے ایمرجنسی کلینک میں 253 مریضوں کو علاج کے لیے خدمات پیش کی ہیں۔ ان میں 27 امرض قلب میں مبتلا مریض تھے جبکہ 122 مریض دیگر عوارض جن میں ذیابیطس ، دمہ اور ذہنی پریشانی کے مریض شامل تھے۔بعض دیگر امراض میں مبتلا مریضوں سمیت 285 بچوں کو بھی علاج کی خدمات دی گئیں۔ادھر یمن میں شاہ سلمان ریلیف نے گردوں کے امراض میں مبتلا مریضوں کے لیے ڈائلیسس کرنیوالی مشینیوں کی تیسری کھیپ فراہم کی ہے۔
