ممبئی (این این آئی)بالی ووڈ سپر اسٹار شاہ رخ خان کے بیٹے آریان خان کی بطور تخلیق کار اور ہدایتکار پہلی سیریز آئندہ برس ریلیز ہوگی۔ نیٹ فلیکس کے کونٹینٹ افیسر بیلا بجاریہ نے لاس اینجلس میں اس میگا پروجیکٹ کا اعلان کیا۔ یہ سیریز ریڈ چلیز انٹرٹینمنٹ کے تعاون سے تیار کی گئی ہے اور اسے پروڈیوس آریان کی والدہ گوری خان کر رہی ہیں۔سیریز فلمی دنیا کے پس منظر پر مبنی ہے اور ایک پرکشش و باصلاحیت فرد کی بالی ووڈ کی چمکتی دنیا میں کامیابی کی جستجو پر مبنی ہے۔ سیریز میں مزاحیہ انداز کے ساتھ بلند کردار اور بلاک بسٹر کیمیوز بھی شامل ہیں۔شاہ رخ خان نے اس موقع پر کہا کہ یہ سیریز فلمی دنیا کے گلیمرس پہلو کو نیا انداز دے گی۔ آریان اور ان کی ٹیم نے شاندار کام کیا ہے اور یہ تفریح سے بھرپور ہوگا۔نیٹ فلکس انڈیا کی نائب صدر، مونیکا شیرگل نے کہا کہ آریان خان کی ہدایتکاری میں بننے والی یہ سیریز منفرد اور زبردست تفریح فراہم کرے گی، ہمیں اس شراکت پر فخر ہے۔
