گوجرخان (این این آئی)سپاہی سوار محمد حسین شہید نشان حیدر کی 53 ویں برسی منگل کو منائی گئی ، چیئرمین جوائنٹ چیفس آف اسٹاف کمیٹی، سروسز چیفس اور مسلح افواج نے خراج عقیدت پیش کیا ہے۔سوارمحمد حسین شہید پنجاب کے علاقے گوجر خان کے قریب ڈھوک پیر بخش میں 18 جون 1949 کو پیدا ہوئے، 10دسمبر 1971ئ کو جام شہادت نوش کیا۔ جس وقت سوار محمد حسین کی شہادت ہوئی ان کی عمر محض 22 سال اور 6 ماہ تھی۔آئی ایس پی آر کے مطابق 1971 کی جنگ میں سوار محمد حسین شہید نے بیمثال جرات کا مظاہرہ کیا۔ دشمن کے 16 ٹینک تباہ کرنے میں کردار ادا کیا تھا۔سوار محمد حسین نے فرض کی ادائیگی کیدوران دشمن کی مشین گن کی گولی لگنے سے جام شہادت نوش کیا۔جانوں کا نذرانہ پیش کرنے والے بہادر بیٹوں کو قوم خراج عقیدت پیش کرتی ہے۔
