معاشی صورتحال کوسیاسی پوائنٹ اسکورنگ سے نہ جوڑاجائے،عائشہ غوث

0
58

اسلام آباد (این این آئی)وزیرمملکت برائے خزانہ عائشہ غوث پاشا نے کہاہے کہ معاشی صورتحال کوسیاسی پوائنٹ اسکورنگ سے نہ جوڑاجائے۔ سینٹ میں اظہار خیال کرتے ہوئے انہوںنے کہاکہ ہمیں ملنے والی معاشی حالات سب کے سامنے ہے ،اکانومی بری تھی تو حکومت میں کیوں آئے یہ سوال پوچھاجارہا ہے۔ انہوںنے کہاکہ ہم اکانومی کوٹھیک کرنے کیلئے ہی آئے ،ڈالرکی گزشتہ ماہ تک23 فیصد تک شرح بلند ہوئی تھی۔ عائشہ غوث پاشا نے کہاکہ دنیا کی کرنسی گری ،پاکستان کی کرنسی بھی شامل ہے،23فیصد جوڈالرکی قدرمیں اضافہ ہوا اس میں12فیصد وجہ گلوبل تھی۔ انہوںنے کہاکہ کرنٹ اکاؤنٹ خسارے اوردرآمد فرق کے باعث ڈالراوپرگیا،ہم نے صورتحال کو مینج کرنے کی کوشش ہے۔ وزیر مملکت نے کہا کہ گزشتہ تین دن سے ڈالرکم اورروپیہ مستحکم ہورہا ہے،کوشش میں کامیاب ہورہے حوصلہ افزائی ہونی چاہیے۔انہوںنے کہاکہ گزشتہ حکومت نے جو فیصلے لینے تھے وہ نہیں لئے گئے،ہمیں آکروہ تمام فیصلے لینے پڑیجس کیاثرات اب آنا شروع ہوئے۔