لاہور(این این آئی)چین میں ہونے والے ایشین ونٹر گیمز کیلیے پاکستانی دستے کا اعلان کردیا گیا۔پاکستان کے 6 رکنی دستے میں 2 ایتھلیٹس اور 4 آفیشلز شامل ہیں، ایونٹ میں محمد کریم الپائن اسکیئنگ اور محمد شبیر کراس کنٹری ایونٹ میں پاکستان کی نمائندگی کریں گے۔ونٹر اسپورٹس فیڈریشن کے سیکریٹری ایئرکموڈور اشعر جمیل کو شیف ڈی مشن مقرر کیا گیا ہے جبکہ محمد عباس بطور کوچ اور اسماء اکرم بطور سیف گارڈ آفیشل دستے کے ساتھ ہوں گی۔اس کے ساتھ چین میں پاکستانی سفارت خانے کی آفیشل رابطہ ناصر کو ایتھلیٹ اتاشی مقرر کیا گیا ہے۔
